INTRON Varia Beg ar Raz,
Dirazoc'h e ma ar mor braz,
War hon listri, war hor bagou,
Savit ho torn leun a hrasou.
1 - War zouar Plougon, e Beg ar Raz,
A bep tu, war vel d'ar mor braz,
D'ar Verc'hez Vari 'zo savet,
Eun imaj marbr, kaër meurbet.
2 - Mari, war e breac'h galloudus,
A zo ganti e mab Jézuz,
E-harz e zreid, hanter-veuzet,
Eur martolod 'zo daoulinet.
3 - Hag e wel ar Mabig Jézuz,
Ken dous ha ken madelezuz ,
O hasten e zaouarnigou,
'Vit hen tenna d'eus ar tarziou.
4 - Hag ar Werhez, ken dous, ken mad,
A unan gant Jezuz he Mab,
'Ra ive eur zell a druez,
Warzu ar paour martolod kêz.
5 - O Mamm Doue, leun a enor,
C'hui a zo steredenn ar mor,
C'hui 'zo mamm ar vartoloded,
Ha sikour an oll Vretoned.
6 - A dost, a bell, e pep karter,
Bep vech pa vezim en danjer,
Ouzoc'h, gwerc'hez, ni n'em voestlo,
Ha sûr, C'hui Mamm, hor zikouro.
7 - Hag er gêr hor bugaligou,
hor gragez paour hag hor mammou,
Evidomp, O Gwerc'hez Vari,
Devez na vankint d'ho pedi.
8 - War mor ar bed, O Mamm Doue,
Diwallit mat ho pugale,
Hor 'hasit oll d'ar Baradoz,
E ma Jezuz ous hor gortoz.
